Shpesh mendojmë se për të ndjekur një dietë të shëndetshme mjafton që të eliminojmë ushqimet e rënda dhe kalorike.
Shpesh mendojmë se për të ndjekur një dietë të shëndetshme mjafton që të eliminojmë ushqimet e rënda dhe kalorike.
Sigurisht që duhet reduktuar konsumimi i shumë elementëve të dëmshëm për organizmin, por fillimisht duhet të përqendrohemi tek futja në dietën e përditshme të disa ushqimeve të domosdoshme.
Janë disa ushqime që përmirësojnë dietën tonë dhe që e
bëjnë trupin më të shëndetshëm.
Arrat
Arrat kanë shumë kalori dhe duhen konsumuar me sasi të
moderuar, por pikërisht yndyra që përmbajnë është jashtëzakonisht e mirë për
organizmin. Duke konsumuar këtë lloj yndyre që gjendet tek arrat, organizmi
redukton kolesterolin e keq dhe ul rrezikun për iktus dhe sëmundjet kardiake.
Arrat janë një burim i madh me proteina, fibra dhe antioksidantë, vitamina dhe
minerale.
Peshku i pasur me yndyrë
Nëse konsumohet me masë, peshku i llojit salmon, sardele
dhe troftë është thelbësor për shëndetin. Jo vetëm që është i pasur me vitamina
dhe minerale, por përmban edhe Omega 3, një element i domosdoshëm për
organizmin e njeriut.Këta lloj peshqish që ju përmendëm me lart kanë efekte
shumë pozitivë, pasi ulin rrezikun e sëmundjeve kardiake, të dëmeve cerebrale,
iktusit dhe kancerit të prostatës. Ndërkohë rezultatet e një kërkimi të publikuar
në “British Journal of Ophthalmology”, tregojnë se Omega 3 është një element
shumë i mirë për shëndetin e syve.
Panxhari
Panxhari është një superushqim për shkak të efekteve të
jashtëzakonshme që ka për shëndetin. Studime të shumta tregojnë se nëse konsumohet
lëngu i panxharit, mund të përmirësohet shëndeti i zemrës, funksioni i mëlçisë
dhe reduktohet rreziku i kancerit. Panxhari është një burim me vitaminë C, e
domosdoshme për rritjen dhe riparimin e indeve. Te panxhari gjendet edhe acidi
folik që parandalon aneminë dhe rrezikun e defekteve te fëmijët që ende ndodhen
në barkun e nënës.
Qepa
Ushqime si qepa, hudhra, bishtat e qepëve të njoma mund
të bëjnë mrekulli për organizimin tonë. Studime të shumta tregojnë se si qepa
është në gjendje që të ulë nivelin e kolesterolit të dëmshëm. Qepa mund të ulë
nivelin e presionit të gjakut tek personat që e kanë problem. Po ashtu
është një luftues i mirë kundër baktereve dhe lufton viruset e ndryshme që janë
në qarkullim, sidomos në stinën e ftohtë të dimrit, ku rezistenca e trupit bie
ndjeshëm për shkak të temperaturave tepër të ulëta.
Perime me gjethe jeshile
Perime të tilla si spinaqi janë të pasura me hekur,
potasium, kalçium dhe vitaminë C. Mënyra e rritjes së spinaqit, e bën këtë
produkt të pasur me elementë të domosdoshëm për shëndetin e njeriut.
Manaferra, boronica…janë te pasura me antioksidantë me
kapacitet qe te përmirësojne shikimin, te parandalojne infeksionet në kanalin
urinar dhe në luftimin e kancerit të shtyllës kurrizore.
Fasulet
Nga studimet e fundit thuhet se personat që kërkojnë
uljen e peshës mund të besojnë te fasulet dhe te vlerat e tyre ushqyese.
Fasulet, përvecse ndihmojnë një person që të dobësohet, furnizojnë
trupin me energji dhe kanë proteina dhe substanca të tjera ushqyese si hekuri,
magnezi dhe vitamina të tjera të grupit B.
Domatet
Ndonjëherë vlerat e domates lihen në hije. Por në fakt
efektet e jashtëzakonshme të saj janë të padiskutueshme. Domatet forcojnë
sistemin imunitar, përmirësojnë shëndetin e zemrës, ndihmojnë në përmirësimin
dhe hollimin e gjakut dhe të disa sëmundjeve të tjera, përfshi edhe zemrën.
KOMENTET