Janë vetëm listat e para të fituesve dhe, siç mund të pritet, një valë pesimizmi i ka pushtuar maturantët duke qenë se një pjesë e madhe gjenden në pozizione të largëta në listat e degëve që dëshirojnë.
 |
| 5 arsye pse nuk duhet ta merrni me pesimizëm raundin e parë |
Por a është koha e duhur që të fillojmë të shqetësohemi?
Këtu poshtë janë radhitur 5 arsye pse duhet ta merrni këtë proces me optimizëm.
1. Raundi i parë nuk është një i vetëm, por një "grup" prej 7 nënraundesh, ku secili nënraund zgjat 48 orë. Kjo nënkupton që procesi do të jetë më i shpejtë sesa vitin e kaluar.
2. Maturantët ekselentë do të lirojnë goxha vende gjatë nënraundit të dytë. Supozojme se kemi 100 maturantë ekselentë, ku secili ka fituar nga 10 degë. Teorikisht, kemi 1000 degë të fituara, ndërkohë që këta do përzgjedhin vetëm 100 prej tyre, duke lënë kështu 900 vende të lira për nënraundin e dytë. Këtu mos të harrojmë dhe dhjetëra maturantë që ikin me studime jashtë shtetit, që gjithashtu lirojnë goxha vende të lira brenda vetëm 48 orëve. Pastaj, mbeten për t'u përmendur dhe të tjerë maturantë që kanë kapur 9, 8, 7 ose 6 degë, qe gjithashtu janë të shumtë në numër.
3. Ekziston një mundësi e dytë. Nëse gjatë raundit të parë, pra, brenda shtatorit, nuk arrini të regjistroheni, do keni të tjera nënraunde përgjatë tetorit, ku këtu mund të riktheni si opsione dhe ato degë që kapët në raundin e parë, por i dogjët me shpresë kapjen e një dege më të mirë.
4. Janë afro 30 000 kuota për më pak se 24 mijë maturantë në gjithë Shqipërinë. Pra, ka një shans studimi për secilin prej jush. Ndoshta shumica mund të pretendojnë Tiranën, por edhe universitete të tjera në Durrës, Elbasan etj., sigurojnë një platformë mësimore të ngjashme dhe kushte që nuk dallojnë shumë nga njëra-tjetra. Diferencën e bën vetëm niveli i konkurrencës midis studentëve.
5. Raundi i parë është një shkallë hierarkike notash. Thënë më thjeshtë: Nëse në nënraundin e parë, për shembull, në Informatikë fitojnë vetëm nxënës me mesatare VKM-je mbi 9.7, kjo mesatare taban do vijë duke u ulur çdo nënraund të ardhshëm, duke mbërritur deri në 9.5, 9.3 e mund të mbërrijë - fjala vjen - deri në 9.00.
Siç mund ta keni vënë re, çdo pikë e lartpërmendur ka në qendër durimin. Si e thotë dhe populli, "I duruari është i fituari". Mos u nxitoni me përfundime të gabuara dhe përpiquni të jeni racionalistë dhe optimistë, në mënyrë që në fund të shpërbleheni me degën që gjithmonë keni ëndërruar ose, në rastin më të keq, me një preferencë dytësore që mund t'ia vlejë.
Nga: Elton Saraçi
KOMENTET