Buzëqesh - Banka e Fundit Facebook Twitter Instagram LinkedIn Youtube

Buzëqesh

____________

Nëse do të kesh një arsye për të festuar... buzëqesh, 
nëse për një çast kërkon të bësh të lumtur dikë... buzëqesh,
nëse ka diçka për të cilën nuk dëshiron të flasësh... buzëqesh,
nëse do t’i fshehësh lotët që po t’i shpërthejnë sytë... buzëqesh,
nëse merr një lajm që ta ndrydh zemrën... buzëqesh,
nëse zoti ta vodhi lumturinë në jetë... buzëqesh,
nëse po lexon një mesazh lamtumire... buzëqesh,
nëse papritur kupton që po flet me vete... buzëqesh,
nëse dikush po të shan në fytyrë... buzëqesh,
nëse dikush përpiqet të të acarojë... buzëqesh,
nëse po përpiqen të lëvdojnë veten para teje... buzëqesh,
nëse dielli do të injorojë fytyrën tënde në mëngjes... buzëqesh,
nëse në ëndërr të shfaqet e njëjta fytyrë... buzëqesh,
nëse ndjen se fundi po afron... buzëqesh,

Buzëqesh nga inati, nga lumturia, nga urrejtja, nga mungesa, nga përçmimi, nga habia, nga zhgënjimi, nga dashuria, nga tradhëtia. Buzëqeshi jetës dhe vdekjes, sepse ishin ato që panë buzëqeshjen e parë dhe të fundit të jetës tënde. Ia vlen të buzëqeshësh edhe kur nuk ndjen ta bësh. Ia vlen sepse ti je ti, e njëjta sikur dje, ndoshta ta vodhën lumturinë, ta shtuan urrejtjen, ta mbollën përçmimin, ta prishën fytyrën, të tradhëtuan, të zhgënjyen por asnjëherë nuk arritën ta zbehnin buzëqeshjen.

Punoi: Ornela M.

No comments:

Post a Comment